• Nhar il-Ħamis li ġej is-Social Club tal-Anzjani se jorganizza ħarġa għall-knisja tal-Lunzjata ġewwa l-Gudja. Wara coffee morning f’wieħed mill-każini tal-banda ġewwa l-Gudja stess. Tluq bil-private fid-9:00am

• Nhar il-Ġimgħa li ġej fis-7:00pm, fl-okkażjoni ta’ Jum il-Fgura se jsir kunċert mill-banda tal-pulizija hawn fil-knisja.

• Nhar is-Sibt 24 u l-Ħadd 25 ta’ Ottubru grupp ta’ adoloxxenti mill-parroċċa tagħna se jirċievu l-Griżma tal-Isqof. Kemm is-Sibt u kemm il-Ħadd il-quddiesa tal-Griżma tibda fl-4:30pm. Għalhekk is-Sibt li ġej ma jkunx hawn quddiesa tal-5:30pm. Wara l-quddiesa tal-Griżma ikun hawn quddiesa oħra fis-7:00pm. Anke il-Ħadd wara l-quddiesa tal-Griżma ikun hawn quddiesa oħra fis-7:00pm.

• Nhar il-Ħadd 25 ta’ Ottubru niċċelebraw Jum il-Fgura. Il-quddiesa tad-9:30am tkun bis-sehem tal-Kunsill Lokali kif ukoll l-għaqdiet ċivili u reliġjużi tar-raħal.

• Is-Sibt 31 ta’ Ottubru il-quddiesa tas-6:30pm se tkun animata għat-tfal fl-okkażżjoni tal-festa tal-qaddisin kollha. Għalhekk qed nistiedni lit-tfal biex jiġu għal din il-quddiesa lesbsin ta’ anġlu jew ta’ xi qaddis. Wara l-quddiesa se jsir party għat-tfal stess isfel fiċ-ċentru parrokkjali. Dettalji u biljetti mis-sagristija.

• Il-Kungress tat-Terzjarji se jsir Ħaż-Żabbar il-Ħadd 1 ta’ Novembru. Dawk li jixtiequ jattendu it-transport jitlaq fl-4:00pm minn quddiem il-knisja.

• Dawk li jixtiequ jagħmlu quddies fil-knisja tagħna matul is-sena d-dieħla huma mitluba li jġibu l-ismijiet u meta jixtiequ li jsiru u jgħaddu l-lista lill-Pirjol wara l-ħin tal-quddies jew fil-ħinijiet tal-uffiċċju parrokkjali. Nirringrazzjawkom bil-quddiem.

• Matul ix-xahar ta’ Novembru filgħaxija ir-rużarju u l-quddiesa tas-6:30pm ikunu għar-ruħ il-mejtin li intom tiktbu fil-kruċjata ta’ talb għall-mejtin. Ħdejn il-bibien tal-knisja poġġejna karti apposta biex min irid jikteb lill-għeżież tiegħu

• Il-Bazaar tal-Milied jibda minn Novembru u se jsir fil-knisja l-qadima fi Triq il-Karmelitani. Ħdejn San Ġorġ Preca poġġejna qfief apposta biex twaddbu fihom affarijiet għall-bazaar tal-Milied. Niprreferu preserves u affarijiet ġodda. Ħwejjeġ użati ma naċċettawhomx.

• Din il-ġimgħa fil-parroċċa tagħna miet France Abela. Miet ukoll Alfred Monreal ta’ Triq Mater Boni Consiglii. Il-Funeral tiegħu nhar it-Tlieta fis-2:00pm.