• Illum il-Ħadd niċċelebraw għeluq it-80 sena tal-wasla tal-patrijiet Karmelitani fil-Fgura. Nirrngrazzjaw lil Alla għal dak kollu li għamel magħna matul dawn it-80 sena u nitolbu għal aktar vokazzjonijiet fl-ordni Karmelitan b’mod partikolari mill-parroċċa tagħna.

• Nhar it-Tnejn 15 ta’ Diċembru tibda n-novena tal-Milied. Kuljum fis-6:00pm jkollna r-rużarju u fis-6:30pm quddiesa bl-omelija u wara ċelebrazzjoni ewkaristika. Inħeġġu sabiex ikollna attendenza tajba ħalli nippreparaw sew għall-festa tal-Milied.

• Nhar l-Erbgħa ser issir ħarġa tal-Milied għal San Pawl il-Baħar. Tluq bil-private fit-8:30am.

• Nhar il-Ħamis li ġej is-Social Club tal-anzjani se jorganizza ħarġa bl-ikel għal Buġibba. Tluq bil-private fit-8:30am. Biljetti mingħand Lilian Plumpton.

• Il-Kummissjoni Festa Esterna se torganizza diversi attivitajiet marbuta mal-Milied fosthom tqassim tar-rigali fid-djar, Christmas Dinner, Party għat-tfal u party tal-aħħar tas-sena. Biljetti u dettalji mill-maħżen tal-armar.

• Il-każin tal-banda wkoll se jorganizza diversi attivitajiet marbuta mal-festi tal-Milied. Dettalji mill-każin stess.

• Illum fil-każin tal-banda jkun hemm it-tombla mis-2:00pm ‘il quddiem.

• Bħalissa qed isir il-bazaar tal-Milied fil-knisja l-qadima. Tistgħu tgħaddu għalih mis-sagristija.

• Din il-ġimgħa fil-parroċċa tagħna mietu Jane Carbonaro u Mary Sultana.